Владата на Република Северна Македонија, на 91-та седница го усвои Предлогот на Законот за финансиска поддршка на социјално ранливи категории граѓани за справување со енергетската криза, со цел обезбедување финансиска поддршка на најранливите категории на граѓани, во услови на енергетска криза.
Пензионерите со исплатата на септемвриската пензија ќе добијат поголема пензија за 6,8%, согласно законското усогласување на пензиите, дописот од 26.08.2022 година од Државниот завод за статистика за исплатената бруто плата во Републиката и објавата за движење на трошоците за живот во Република Северна Македонија („Службен весник на РСМ“ бр. 155/2022).
Фондот на пензиското и инвалидското осигурување на Северна Македонија, предводен од директорот Дритан Беџети, во мај годинава започна со првата нацрт-верзија на новиот проект за фотоволтаичен систем – производство на електрична енергија.
Законската обврска на Фондот на ПИОСМ за дистрибуција на листи за стаж и плата на осигурениците преку официјалната е-маил адреса пријавена во Централниот регистар на Република Северна Македонија (ЦРСМ) е реализирана. За групата обврзници, за кои дистрибуцијата не е успешна, објавен е посебен фајл со идентификатори за таквите обврзници, ЕДБ, е-маил адреса и копија од опис на причината на повратната порака.
Пензионерите ќе може да располагаат со априлските пензии преку мрежата на банкомати и во трговската мрежа од 26.04.2022 година, а готовинската исплата на пензии за пензионерите кои не користат картички ќе се изврши во четири групи според следниот распоред составен според висината на пензијата:
