Lajmerime

Fondi i Sigurimit Pensional dhe Invalidor i Maqedonisë së Veriut, duke synuar t’i afrojë shërbimet te qytetarët dhe të siguruarit si dhe të përmirësojë cilësinë dhe efikasitetin në punë, gjatë kësaj periudhe ka zbatuar disa risi në këtë drejtim.

Çdo qytetar që ka paraqitur një kërkesë për realizimin e të drejtës së pensionit do të njoftohet me një SMS porosi ku dhe kur mund ta merr vendimin e përgatitur.

Me këtë risi, Fondi do të fillojë zyrtarisht nga  nesër, 29 korrik të vitit 2025.

Ky shërbim futet me qëllim që të shmangen ardhjet e panevojshme në sportele nga ana e qytetarëve dhe zvogëlimin e turmave. Me këtë thjeshtësohet procedura e punës dhe njëkohësisht ulen edhe shpenzimet në punë.

Fondi, pasi të jetë përgatitur aktvendimi nga shërbimet për qytetarët që kanë paraqitur Kërkesë për realizimin e të drejtës së pensionit, do t’ju dërgojë porosinë me tekstin e mëposhtëm:

“Aktvendimi juaj me nr. Хххххххххххххххххххх është përgatitur. Të njëjtën mund ta merrni në Filialin/Ekspoziturën e FSPIMV-së ku është paraqitur kërkesa”.

Me këtë rast, informojmë publikun se në kuadër të Fondit funksionon Call Center e re ku qytetarët dhe të siguruarit mund të telefonojnë në numrin e kontaktit 02/15 215, për të marrë informata për statusin e lëndës apo kërkesën e paraqitur, si dhe informata mbi kushtet për përfitimin e:

• pensionit të pleqërisë
• pensionit familjar
• pensionit invalidor
• shumën minimale të pensionit
• realizimin e të drejtave sipas marrëveshjeve ndërkombëtare
• realizimin e të drejtave sipas Ligjit për Marrëdhënie Pune
• orar i shkurtuar pune,
• ndryshimin e vendit të punës,
• rrezikun e drejtëpërdrejtë nga ndodhja e invaliditetit
• përcaktimin e statusit të personave të siguruar (bujqë)
• sigurim të vazhduar
• të dërguar jashtë vendit dhe të punësuar jashtë vendit
• kategori të veçanta të personave të siguruar (persona klerik)
• realizimin e të drejtave për personat e siguruar me stazh të benificuar
• mbajtje nga pensioni
• kushtet për realizimin e të drejtës së akomodimit në shtëpi të pensionistëve

Në kuadër të përpjekjeve për të përmirësuar punën e Fondit dhe për të thjeshtuar mënyrën në të cilën qytetarët i realizojnë të drejtat e tyre nga sigurimi pensional dhe invalidor, në periudhën e kaluar  përmes portalit të ri uslugi.gov.mk janë prezantuar 13 shërbimet elektronike në vijim:

1. Kërkesë për realizimin e të drejtës së pensionit të pleqërisë
2. Kërkesë për lëshimin e aktvendimit për përcaktimin e statusit të personit të siguruar – punonjës të referuar jashtë vendit
3. Kërkesë për lëshimin e aktvendimit për përcaktimin e statusit të personit të siguruar – të punësuar jashtë vendit
4. Kërkesë për lëshimin e aktvendimit për përcaktimin e statusit të personit të siguruar – persona zyrtar klerikë
5. Kërkesë për lëshimin e aktvendimit për përcaktimin e statusit të personit të siguruar – bujqë individual
6. Kërkesë për lëshimin e aktvendimit për përcaktimin e statusit të personave të siguruar – sigurim i vazhduar
7. Kërkesë për dhënie të konstatimit, vlerësimit dhe mendimit për të drejtat nga Ligji për Marrëdhënie Pune
8. Dhënia e konstatimit, vlerësimit dhe mendimit në pajtim me dispozitat e Ligjit për Punësimin e Personave me Invaliditet
9. Vërtetim për pensionet e paguara në periudha
10. Vërtetim për pensionet e paguara dhe mbajtjet e realizuara nga pensionet
11. Pasqyrë për tatimin e llogaritur dhe të paguar nga të ardhurat për pagesat e pensioneve
12. Vërtetim për llogari bankare
13. Vërtetim për përfitues pensioni pa të dhëna të shumës së pensionit

Fondi gjithashtu, me këtë rast, njofton se në fazë testimi janë edhe shërbimet e mëposhtme, të cilat do të vihen në përdorim në periudhën e mëposhtme:

1. Kërkesë për realizimin e të drejtës së pensionit familjar
2. Kërkesë për realizimin e të drejtës së pensionit invalidor
3. Kërkesë për realizimin e të drejtës së kompensimit në të holla për dëmtim trupor
4. Dhënia e aktvendimit duplikat