Од 08-10 јуни 2022 година, во Дубровник, Република Хрватска, се одржа 12-та средба на директорите на фондовите на пензиското и инвалидското осигурување од државите настанати на територијата на поранешна СФРЈ, организирана од страна на Хрватскиот завод за мировинско осигурање.
Денес во нашите простории, се организираше доброволна акција за дарување крв. Директорот на Фондот изрази голема благодарност за работата на Единицата на Црвениот Крст, како и до вработените во Фондот на ПИОСМ кои даруваа крв, за високата свест дека дарувањето крв е од многу голема важност за луѓето на кои им е потребна, но и за нивното лично здравје.
Крвта е најскапоцениот подарок што човек може да му го даде на друг човек – подарува живот!
На покана на Националниот одбор за социјално осигурување на Естонија, Меѓународното друштво за социјално осигурување (ISSA) на 4-6 мај 2022 година ја организира својата 16-та меѓународна конференција за информатичка и комуникациска технологија за социјалното осигурување (ИКТ 2022) во Талин, Естонија.
На 19 април 2022 година, в.д. директорот на Фондот на ПИОСМ, Дритан Беџети, оствари средба со г-динот Зоран Анушиќ, раководител за економија и други претставници од Светска банка.
На 6 април 2022 година, во Фондот на ПИОСМ се одржа работна средба со претставници од Фондот и Агенцијата за примена на јазикот на РСМ. На средбата присуствуваа и в.д. директорот и заменик директорот на Фондот, Дритан Беџети и Шаип Зенељи, како и директорот на Агенцијата за примена на јазикот на РСМ, Илбер Села.
На 04.04.2022 год., Фондот на пензиското и инвалидското осигурување на Северна Македонија, застапуван и претставуван од в.д. директорот Дритан Беџети и репрезентативните синдикални организации на Фондот на пензиското и инвалидското осигурување на Северна Македонија, претставувани од претседателите, Милинко Влаховиќ и Лидија Стаменкова, склучија Колективен договор за уредување, односно доуредување на правата, обврските и одговорностите од работен однос во Фондот на ПИОСМ.
Денес, 21.03.2022 год., во просториите на Фондот на ПИОСМ, се потпиша Меморандум за соработка помеѓу Фондот на пензиското и инвалидското осигурување на Северна Македонија и Управата за водење на матичните книги на Република Северна Македонија.
Денес на 10 март 2022 година, директорот на Фондот на пензиското и инвалидското осигурување на Северна Македонија, г-дин Дритан Беџети оствари средба со претставници на Здружението со посебни потреби „СОС ВИТА“ и претседателот на Здружението г-дин Ертан Шаќири.
Крвта што ја подаруваме е скапоцен лек од кој зависи животот на многу болни. Вработените во Фондот на ПИОСМ денеска даруваа крв и со тоа изразија највисок степен на солидарност со сите оние на кои таа им е потребна, без оглед на возраст, пол, раса, боја, национална и верска припадност.
Управниот одбор на Фондот на ПИОСМ на последната седница одржана на 28 октомври 2021г. ја усвои Информацијата за финансиската состојба на Фондот за периодот јануари – септември 2021 година. Во овој период Фондот бележи позитивни резултати и е остварен вишок на приходи над расходи во износ од 304,96 милиони денари.